السلام عليكم

كي لا يحصل أي لخبطة في القسم...تم إفتتاح هذا الموضوع حتى تفرق أخي العضو بين الروايه و القصه القصيره..

و سيتم نقل أي روايه ليست في هذا الموضوع إلى هذا الموضوع..

أتمنى أن تنال الروايات رضائكم...

و السلام ختام..

قصة حب في الجمس إحداثها حدثت في السعودية
+*+*+؟*(حب في الجمس)+*+*+*؟+*
.........
اليوم الأربعاء نزلت نسايم وندى من الدرج ولقوا أخوهم فهد نازل وجلسوا
يسولفون وكانت الساعه11ونصف وسلموا على أمهم وكل واحد حب رأسها وبعد
ماجلسو إلام: وين نهى
نسايم:أكيد نايمه
ندى:أمس دخلت عليهاالساعه2 وكانت قاعدة عل كمبيوتر
فهد:انانفسي افهم ش تسوي
وقاطعهم دخول الوالد:السلام عليكم
الكل وعليكم السلام
ابوفهد:وين نهى؟
أم فهد:نايمه
ندى:إيه إيه اسأل عن بنتك وانأ خلني لي الله
ابوفهد:أنت تعرفين انتو مثل أصابعي لي غاب واحد فيكم افقده بس
القعدة فاكهه البيت
ندى: ما أقول لنا الله
فهد يسال ببلاهة: يبه أنا إي إصبع فيهم
أبو فهد: أنت وش ودك ؟ <<< يجاريه
فهد: والله إذا ممكن أخر واحد لان اعز هل إصبع مدري ليه مع إن
ماله فايده
أبو فهد: وجع هذا وأنت رجال تقول هل الحكي
نسايم: إلا يبه غريبة رجعتك بدري
أبو فهد: اشو انك ذكرتيني الله يذكرك بشهادة
أم فهد :خير إن شأ الله
أبو فهد:تودق بو عبد العزيز ويقول الجمعة عندهم اليوم
فهد: اجل خل ندق على شباب ونتواعد بمكان من زمان عنهم وطلع
نسايم: واااااااو وناسه اكييد كل بنات عمي بيجون
وش البس ياربي وش البس<<<تكلم نفسها
فقطع عليها تفكيرها ندى:أنا بلبس تيور اللي اشتريته من الإمارات يييييوه
انشأ الله يكون نظيف
أم فهد: تقوليين انشأ الله قومي شوفييه ترى أنا بعد المغرب بمشي
قامت ندى بتصعد الدرج ونادتها أمها: تكفين ندووي قومي هل الخيشه نهى
ندى:ابشري وراحت وصحت ندى اللي بالموت صحت وحمدت الله تيورها نظيف
وعرفت عن العزيمة طبعا بدو بتخطيطات<<<< مجرمييين
وبعد الغدى إلام والابو راحو يرتاحون وبنات راحو يكملون خططهم
وفهد اتفق ويا عيال عمه أنهم يجتمعون بيت ابوحمد ويمر عبد العزيزبالجمس ويأخذهم
الجد:الايا فهد مانويت تعرس.
فهد:تو الناس
الجد: إي تو الناس اللي كبرك عندهم عيال.
فهد: يصير خير تامر على شي أنا بروح اريييح
الجده : مايامر عليك عدو ببس وصلني بدربك
الجد: هو يأمره كان قلتي لي أوصلك بعيوني.
الجدة:عيونك خلها لك مابيها أنت شل روحك وانأ خلني على فهد
الجد: الحين ماعد نعجبك
فهد: صلوا ع النبي ياجماعه بياذن العصر وانتم تطاقون يلله ياجدتي قومي.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
إما الوضع عند البنات غير نسايم وندى ونهى اتصالات واتفاقات ودنيا شغالة اللي تحط مناكير
والي تستشور وندى حاطه لفافات بشعرها وبفمها مصاصه وتكلم العنود بنت عمها بالجوال ودخلت
أمهم عليهم الساعه4 العصر
إلام: مابعد خلصتو
نسايم: ليش
نهى: ياغبيه عشان العزيمة.
إلام: عيب عليك تكلمين أختك كذا
نهى: ماقلت شي غلط
إلام: نهى اخلصي ترى مابقي شي عل مغرب
ندى: على كيفك يمه بقي ساعتين الاربع
ا لام: معليش خلصو.
راحت نهى عشان تلبس وما تحصل هوشه من أمها فتحت الدالوب طلت تنوره جينز سماويي
تحت ركبه بشوي وبلوزه زهري وليموني<<<ألوانها المفضلة
وتروشت ولبست وحطت لها
شدو ناعم بلون زهري يدرج الين يكون اصفر وكحل اسود مبين جمال عيونها اللي مثل
عيون جدتها وقلوس زهري وشعرها فالته ناعم اسود يوصل نص ظهرها
ونزلت وفي الدرج
ندى:وااااااو شو ها لحلاوة يشوفونك بيخطبونك قبلي روحي غسلي وجهك وانفشي كشتك
نهى:لا عيوني ماراح أسوي شويي موتي بغيرتك
فهد:اسرعو ورانا وراي ناس بوصلكم
نسايم: وهي نازله ممكن اعرف ليش أنت مطفوق
نهى: يللللللللله ياندى ترى تأخرنا ترى فهد بيذبحك
ندى:اصبري ماكله مصاص وماطاع يروح اللون من فمي
نهى:موشغلي انك بزر
ندى: لاحبيبتي محد بزر غيرك
وفي بداية الدرج نسايم:وجع يالمبزره بس أنتي وياها اللي يشوفكم منا يقول كل وحده كبر
جدتي
نهى:والله حبيبتي مالك شغل.... <<دخل فهد
فهد: وجع لو إنكم تفصلون العبايات ماطولتو هالكثر ترى مب موديكم3 دقايق والله لوماتجونه
بروح وطلع وصفق الباب وراه
طبعا البنات ارتبشو لأنه سوااهافيهم أكثر من مره.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
*تعريف بالعوئل*
الجد: ابو عبد الرحمن(حمد)
الجده:ام عبد الرحمن(ساره)
الجد والجده عايشين بيت ولدهم عبد الله ترتيبه الثالث(ابو فهد) يمكن تسغربون بس الجده
ماتحب الا ام فهد وماترتاح الا لها مع ان كل زوجاتهم طيبين بس عجايز وحركاتهم.
~~~~~~~~~~~~~~~~~~~~~~~~~~~~~~~~~~~~~~~~
ابنائهم:
:عبد الرحمن ابو عبد العزيز:طبعا كبير عائله وله الشور بعد ابوه
تهاني ام عبد العزيز:ام فاضله
ساره:عمرها 26متزوجه ولد عمتها راشد وهي حاليا حامل
عبد العزيز:عمره23متخرج فسم بترول ومعادن وعو حاليا يشتغل بشركه العائله
رهف:21اخر سنه لغات وترجمه
مشعل:عمره 17 ثاني ثنوي
~~~~~~~~~~~~~~~~~~~~~~~~~~~~~~~~~~~~~~~~~
عبدالله ابو فهد:وشخص يتميز بحكمته وصبره شديد
فاطمه ام فهد: الام المحبه والمعطائه
فهد:25 سنه ويشتغل مع ابوه وعمامه
نسايم:21تدرس تربيه خاصه
ندى:19تدرس علم نفس
رامي: 18 بثالث ثنوي
نهى: القعده المدلعه 17 ثاني ثنوي
~~~~~~~~~~~~~~~~~~~~~~~~~~~~~~~~~~~~~~~
العمه لطيفه:ام نايف اللي ضحت بشبابها عشان تربي عيالها بعد موت ابوهم الله يرحمه
نايف:28وامنيه امه انه يتزوج بس عنده عقده من هسالفه بتنكشف مع احداث القصه
راشد:27 متزوج ساره بنت خالته وعنده احلام ومرته حامل مثل ما قلنا
نواف:25 ولد فله موسع صدر وداييم طقاق مع العنود اخته
العنود:21 دلوعه ماما
~~~~~~~~~~~~~~~~~~~~~~~~~~~~~~~~~~~~~~~~
سلطان:ابوحمد
نجاه:ام حمد
حمد:22متخرج قسم محاسبه وبيشتغل بعد الباجازه في شركه العائله
فهده:20سنه تدرس اداره اعمال
مروان:18سنه اول جامعه متقدم سنه
~~~~~~~~~~~~~~~~~~~~~~~~~~~~~~~~~~~~~~~~~
لعم سلمان:عمره 26 ويدرس بل خارج قانون وبقيله 6 شهور ويرجع وسط اهله
~~~~~~~~~~~~~~~~~~~~~~~~~~~~~~~~~~~~~~~~
وصلو ولقو الكل مجتمع وطبعا البنات سلمو وراحو بمجلس ثاني وكل شوي جايه وحده من
الحريم تعالو تقهوو معنا...
فهده: ياربيييه من هل حريم مايدرون ان قعدتهم ممله وتطفش كل شوي عازمينا مايدرون
اننا فتيات نبي نقعد بلحالنا
نهى:والله انك صادقه اجل لين قعدنا هذاك مات وهذاك لاحيا وهذيك جاها مدري وشو والله
ياعندهم حش موب صاحي
نسايم:اسكتي ترا بيجي يوم ونصيير حريم وبناتكم بيقولون عنك كذا
فهده+نهى: لا نشالله استغفر الله
وسكت الجميع لانه شغلو المسجل ويرقصون
فهده: نهووه تعالي ابيك بره
نهى: مابي
فهده باستغراب:لييش؟
نهى:لان وبصراحه اسمي مو نهوووه
فهده : اسفين بنت العم نهى تفضلي
نهى: اي كذا اطلع
وطلعو برى من دوون مايحسون البنات
فهده: شلونك
نهى: قطع الله ابليسك مطللعتني من الوناسه عشان كذا ... اقول خلني ارجع
فهده:لا هذي مقدمات يختي مو كل شي دفاشه
نهى: خلصتي من مقدماتك تفضلي
فهده وهي تدور بجيوبها : ويننه ياربيييه
نهى : وشو
فهده: الجوال انتضري بروح اجيبه
وراحت فهده ونهى قعدت حوالي عشر ثواني وهي تنتظر
بس سمعت صوت جاي من الباب الوراني حق الخد م
وحست انه رجال وبلفعل كان مشعل بيروح وقرب من جهتها
وهي كانت واقفه بزاويه يعني تقدر تحس بالخطواات
وراحت تركض ولقت عبدالعزيزطالع من البوابه الرئيسيه
خلاص ضاعت فيهاالدنيا وش تسوي كان الكراج مقابلها وكان جمس عمهاموجود
ور كبته وكانت تظن انه دقايق وبتطلع لكن المصيبه ان عبدالعزيزكان بيدخل المفتاح
يعني بيركب انصدمت وبحركه خفيفه طمرت ورااا بس المو ضوع مايخلى من رعب ودموع
وكانت تتحمد ان الجمس كان مفتوح ولا كان راحت فيها وجلست مطمنه راسها ودموعها
منهمره وتدعى ربها انه مايشوفها وتعدي هل ازمه على خيير

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
رجعت فهد ه ومالقت نهى فهده في نفسها: ماتترك حركاتها هالبايخه اوريها
ورجعت جوا مع الجو والربشه والوناسه غاب الموضوع عن بالها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
مشى عبد العزيز بالسياره ونهى ورا كاتمه الخوف والضحكه على عبد العزيز اللي مصدق ان
مامعه احدوماخذ الراحه ويغني ويحاكي نفسه
والخوف كيف بترجع للبيت ؟؟؟؟؟؟؟؟
وصل عند بيت عمه سلطان ابو حمد لا نهم متفقين اذا خلص عبد العزيز اغراض امه يمرهم
عشان تكفيهم السياره طبعا اللي ركب قدام اهو فهد ولا عنده فيهم
اما الباقين جلسو يطاقون من يركب ورا
وحمد اللي ماسك جواله ومشتغل فيه طفش وركب ورا اما نهى وما ادراك ما نهى
وش صار لها كانت شوي ولا تموت بس هو لاهي بجواله لكن حس بانفاس كان احد قاعد جنبه
وعلى امتداد النظر مالقى شي!!!
ولسى بيرجع عيونه عل الجوال وحس بحركه غريبه واللي هي ان نهى من طقت رجلها ورا من الخوف ولتفت وشافها وقعد مبلم<<<لفظ سعودي يعني فاتح عيونه وفمه عل الاخرومو مصدق والاستيعاب وقف عنده.
وقعد على هل حاله يمكن خمس دقايق وش هذي وشلون جت بس ماشالله حلوه بس وش جابها
وهوبين افكاره انتبه لدموعها اللي مغرقه عيونها وهو سرح بجمال عيونها الكبار وخصل من
شعرها على وجههاوبعدين من الحيا نهى غطت وجهها بيديها وحس على نفسه والتفت وهويقول
انا وش جاني ماقدشفت بنات والتفت للشباب لقاهم يسولفون بس ماشاركهم اذا ضحكو ضحك
واذا سكتو سكت وصلو للكافي وراحو تحت بالمواقف لان مثل ماتعرفون الشباب مثل النمل
القهاوي ونزلو وراحو قعدو وحمد مو معاهم ابدا كان يفكر من هاذي معقوله تكون رهف لالالا
شلون تركب مع اخوها كذا اجل مين ؟؟؟ ومن بين علامات الاستفهام تذكر انها بسياره
وتحت بمواقف الكوفي وشباب كثار وهي بلحالها
لازم يلقى حل قام يدق ويقطع على فهده عشان ترجع
تتصل ومايحسون انه يتهرب واتصلت فهده وقالت:بخيييييييييل جدا قال:طيب ابي اعطيك
ببيت عمي ابيك تفتحين الباب الكهربائي وراح خذى المفتاح من سعوود بحجه انه فهده تبي
غرض ووافق وراح للمواقف لقى شباب شوي قريبين من هناك وثارت اعصابه بس لما قرب
حس انهم مايدروون عن شي وركب سياره وشغل من دون اي كلمه وهي كانت تبكي وماستحمل
بكاها اللي شكله زاد وقال: خلاص الحين بوصلك
نهى:ــــ ـ ـ ـ ـ ـ ـ
احترم سكوتها اكيد هي مستحيه ومتفشله اما نهى:مشاعرها متضاربه خوف ورهبه وبنفس الوقت
فرح بالمغامره بس الشي الوحيد اللي هي تاكده منه ان الدموع لازمه في هذا الوضع.
وبعدين الصمت ساد وحمد ونهى متوترين ونهى ساكته وعيونها تتكلم وصلو البيت واتصلت فهده
فهده:الوهلا والله لحظه<<<وكان الجوال لسى عند اذنها
فهده:نســــــــــايــــــــــــــم وين نهى لها نص ساعه مختفيه ومطلعتني برا وانا غبيه انتظر متى
تجي
<<<حمد خلاص هذي نهى صغيرونه والله يادنيا كبرت
فهده :الو حمد ها وش تبي
حمد:وش فيك طولتي سنه ماتردين
فهده:وش اسوي بنت عمك نهى ضايعه
حمد:نهى ضايعه
هنا نهى خلاص ودها تموت عرفني ياربيه وش اسوي
حمد:طيب افتحيلي باب كهربائي معي جمس عمي
فهده:ليش وش تبي
حمد: بس بعطيك غرض
فهده:طيب وراحت وجابت ريموت وافتحت الباب حمد يفكر وش يعطيها واالله النشبه
دخل السياره ونهى لما عرفت انها دخلت تطمنت وسكتت عن الصياح ونزل
حمد: نهى اتنظري عشان اصرف فهده
نهى كان ودها تقول ماله داعي بس ماقدرت
ونزل ولقى فهده: ها وش تبي تعطيني
حمد: جيبي لي كاس مويه وعلمك
فهده:الحين جاي ومقطع شوارع عشاان كذا
حمد: روحي ولا انت الخسرانه<< واشر على جيبه فهده صدقت وراحت
فتح الباب: نهى انزلي قبل ماتجي فهده
نهى:طيب <<وهي تقول بنفسها انزل كذا من دون عبايه وش هالمصيبه وكلت امرها لله لانها
مضطره ونزلت وركضت تبي تروح
جت فهده:خذه حمد وشرب منه شي ورجعه
فهده:الحين كل ها الصيحه عشان رشفه اه يا لقهر اخلص وش تبي
حمد: انقطع سرحانه وابتلش وقالها: دقيقه وراح للسياره وخذا شريط للعبد العزيز وعطاه
اياه وقال: هذا اهدا لكم خذوه وشغلوه
فهده بكل استغراب:طيب
وطلع وشغل الراديو وطلعت اغنيه
من فينا هاليله ينام والشوق صاحي ماينام
كل من فينا حبيبي شايل بقلبه ملاااام
من فينا هاليله ينام

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ
ودخلت فهده:هاست نهى وينك
نهى :وين يعني هنا
فهده:هين حسابك بعديين<<وتلتفت على رهف:شغلي هذا شرييط جايبه حمد يقول اسمعوه
وشغلوه البداايه كانت هدؤ مافي شي وبعدين سعود يغني مقطع من اغنيه خالد عبد اللرحمن
حبيبي اسف ازعجتك*حلو صوتك قبل ماتنام *سمعته وانشرح صدري *وكني شفتك بعيني
وبعدين بدا هو ونواف يستهبلون ضحك وازعاج والبنات ملقصرو فقعوه ضحكه عليهم
العنود:والله حراام صوته حلوبس نواف ها دعله ما يخلي احد من شرهرمخرب كلش
ندى:حرام عليك بس عشانه يغايضك تقولين كذا
وقاطعهم دخول نسايم اللي كانت سرحانه مووول وكملو البنات سوالف وضحك وهم راجعين
ام فهد: هاه وش اخبار عيال عمك
فهد: بخير بس هذا حمد قاهرني اول مجلسنا راح وبعدين رجع ولا كانه معنا
ونهى كنت ذابه اذنها ياحليله الله يجزاه خير<<طبعا هذا كله بنفسها

المتصله: ممكن اكلم عمتي لطيفه؟؟؟
نايف: طبعا ممكن بس انتي مين.؟؟
نسايم(الله البلشه شقول الحين)
نايف: الوووو
نسايم: انا نسايم.
نايف: هلا ببنت الخال كيفك و كيف الدراسه.؟؟
نسايم( فرحت وارتاحت نسبيا): الحمد الله وانت عساك بخير<< ماتنعطى وجه..
نايف: الحمد الله دقيقه واناديلك الوالده
نسايم: خذراحتك
وكلمت عمتها وقالتلها وفرحت العمه كثير
وملاحظه: نايف كان مايدري ان نسايم زوجه المستقبل كان يعتبرها اخته لا اكثر ولا اقل فهو رد كذا من باب المجامله.
---------------------------------
وبعد المغرب:ام نايف ياعنود قومي نادي لي نايف.
راحت العنود: وهي تغني: ياطب طب ودلع ياا---
ام نايف: وجع انشاء الله طبيتي في جليب ماله قاع روحي نادي اخوك.
العنود: بسم الله شلال ادعيه مب دعاء هذاني رحت.
ونادت نايف ودخلت وراه
ام نايف: هلا بولدي شخبارك شخبارالشغل
نايف توه بيتكلم: الح----
العنود: وشلون هو شخبارك وانا دعين علي لاياحبيبتي العبي غيرها
ام نايف: عنيداسكتي واذلفي
العنود: بعد بعد انطرد هذي اخرتها.
ام نايف تشوت علبه المناديل وتطلع العنود وهي تضحك
نايف: امري يمه؟؟؟
ام نايف: ياوليدي انت رجال مصلي وصايم وتخاف ربك ومانقصك الا بنت الحلال ليش ماتزوج وتريحني
نايف: يايمه وانا كذا مرتاح مابي اتزوج
ام نايف مع دموع : لا يانايف انت منت مرتاح انا كل ماشفت اخوك داخل بنته علي وانت جالس كذا يتقطع قلبي عليك لازم تتزوج والبنت عندي وموافقه عليك وموافقه تسكن معي وانا احبها وعارفه انها بتريحني ومحد بيصبر عليك غيرها
نايف بعدم مبالاه :اللي تشوفينه
ام نايف: بس ياوليدي انا ماابيك تتزوج عشان تطلق ولا ابيك تعذب بنت الناس معك ابيك تراعيهاوتحطه بعيونك تراها امانه
نايف: بتنهيده عميقه: ان شالله
بس ماقلتي لي منهي—


ام نايف بتردد: نسايم بنت اخوي
نايف: يمه اخافها ماتبيني بس خالي مفتشل يردك وبعدين اهي صغيره ام 21 وانا مابي اتزوج يعني موب لازم
ام نايف: لا انا سالتها بيني وبينها وهي موافقه وان شالله بنروح انا وياك بكره نخطبها رسمي وبعدين ان شالله تبي تاخذ ام اربعين
قال صغيره الا هذا العمر المناسب.
وبتتزوج قبل ماتغفي عيني عن الدنيا
نايف يقول بخاطره دايما حججكم جاهزه وتغصبون الواحد وهوراضي: ان شالله يمه كلمي خوالي يجون معي
ـــــــــــــــــــــــــ ــ
اما في لعصر منهذا اليوم ندى ونهى وفهده في السوق يعني في خطر على حياه اللي بالسوق..
فهده: نهى شوفي ياحلو هذا التيشيرت
نهى: وععع انت من وين جايبه هذا ذوق ممكن اعرف؟؟
فهده: حرام والله يجنن انتي ماعندك سالفه
ندى: اقول خلصوني ترى بياذن المغرب بعد ساعهوبتذبحني امي ان مارجعنا
فهده: باخذها عناد
وخذتها وطلعو وهم بسووق شافو واحدعلييييه كشه ثلاث كيلو فوق راسه
وفارق شعره ولابس تيشييرت كبيييير وبنطلون يدخل جواه هو ووبعض الاصدقاء<<<حلوه هذي
ونهى شافته ولا ماشفته: قالت وهي تطنز فهده شوفي كشته تجنن هههه وهو كان قريب وسمعها
ولماسمعها التفت بغرور يعني صدق
وقال: قولي ما شالله ولف عينه عنها
نهى اعلنت حاله استنفار: احلف مصدق ترىنحسب انهم دافعين لك عشان تطلع بهالمنظرهههههههههههاي
ندى جت ينقال بتحل الموضوع قالت: من متطاقين معه بعد اعترفو خلونا نعطيهم تعويض على سده النفس
فهده وهي ميته ضحك :هذاكــ ـ
وندى سمعت ولا ماسمعت يعني هذي العاقله اللي جايبتهم فقعتهااضحكه وهي تقول:هذا من واطي راسه ليش كذا كشه وفي النص فاضي
فهده+نهى+ندى: صاروا فرجه من كثر ماضحكوعللييييه
نهى: اقول خل نطلع لايجينا شي الله يعافيييكم
ــــــــــــــــــــــــــــ

خطبه نسايم


وكلمو على الخوال واجتمعوا وراحو من بكره المغرب ...
دخل فهد: هلا والله نايف جاينا بكبره
<<< مايدري عن السالفه
نايف: هلا فيك اللي يسمعك مايقول الخميس اللي راح مطيح عندكم.
فهد: عارف بس مؤثرات.
وجلسو وكملوا سوالف وتمت الخطبه على خير:::::
ومرت الايام بسرعه واليوم اللي بيروحون لمزرعه الخال سعد:
وصولو كلهم وجلسو مع بنات الخوال وهم:
خال سعد:ابو ياسر
ياسر: عمره 23 مسافر يدرس برى
مشاعل:20 سنه ثانيه جامعه.
ووائل: 18 سنه بثالث ثنوي
وعبد الا اله: بثاني متوسط
وابتهال: 9سنوات
واحلام:3سنوات
الخال خالد: اكبر شي عنده بنت اسمها ناديه 16 باول ثانوي
وروان: 14لاسنه بثاني متوسط
وفواز:9 سنوات


وجلسه كانت فله عندالرجال بلوت وكيرم والحال ماشي
والحريم سواليف وحش مايخلص
اما البنات كانوجالسين سوالف
ونهى وفهده قلبوها هبال وخصوصا على نسايم من انتشر خبر الخطبه
نهى: بنات خل نسوي شي طفش حتى الطنايز خلصت
شعوله وين روحك الانسانيه ترىجلستنا كذا بتضر البيئه والمصلحه العامه
مشاعل: انا عندي فكره تدور في بالي وابي احد يشجعني
ندى:بنت خالي ماتسكت الاعلى بلا يالله عطينا من اللي عندك..
مشاعل: اوريك يانديه بس بما اني.......
وقاطعها صوت جوال وكان جوالنهى: هلا ......طيب......اقولها........بحاول......بسس عشانها.....ترى بجي بعدها.......باي
وسكرت وقالت: نسايم فهد يبيك برى
نسايم: يوووووووووهلاتقولون الفكره الين ارجع سمعتو ياويلك يامشاعل
وقامت نهى معها
نسايم: وانت ايش مجيبك.؟؟
نهى: اوصلك اخاف عليك
نسايم: فهد وين
نهى: عند باب المزرعه اللي ورى
نسايم : غريبه اكيد شي مهم
نهى: علمي علمك
ووصلو ووقفت نسايم قالت: تبيني اطلع صاحيه؟؟؟
نهى: اولا المزرعه في مقطعه وثانيا فهد اللي قايله لي
وطلعت نسايم وتفاجئت؟
ـــــــــــــــــــــــــــ
امانهى سمعت صوت رجالي جوى بيت الشعر
وقربت سمعت صوت موب غريب هذا كانه صوت حمد بس وكانها توها تنتبه: من يكلم؟؟؟
حمد: لا ياعمري انت الخير والبركه لاتزعليني منك .......... لااكيد ابحظر لاتخافين..........كل اللي طلبتيه حاضر........ ماتبين شي ثاني ..... اوكي ..... نوم العوافي وسكرها
اما نهى: الليمن سمعت المكالمه وهي تلوم نفسها على اللحظات اللي فكرت فيها بحمد والوقت اللي بتسمت على ذكرى حمد ونزلت منها كم دمعه بس مسحتهم هي مالها حق تحكم الرجال اوبمعنى مافي شي ياكد حبها له او حبه لها.
7
7
7
7
7
7
7
الجزء الرابع
نسايم وهي تبكي مومصدقه اللي تشوفه وراحت حضنت الشخص اللي قدامها
(وطبعا انتم تبون تعرفون اصبر و الصبرزين)
وخصوصا هي متعلقه فيه وغاب عنها وبعد عنها
...:نسايم خلاص والله ببكي انا ماتحمل فراقك انتي بذات ماحب دموعك
نسايم وهي تبعد: من كثر ماشتقتلك عمي ليش ماقلتلي انك بتجي
(عرفتوه هذا العم الاصغر سلمان اللي يدرس برى)
وطلعت نهى :هلا والله وغلا بسلوم ياخي عطنا وجهه مالنا رب
سلمان التفت عليها: انت الخيروالبركه شبيهه امي وسلم عليها.
حمد سمع الاصوات وجى بيروح بعدين قال لا مو لازم ورجع للشباب
ـــــــــــــــــــــــ
وراحو يمشون للداخل المزرعه:
سلمان: واالله ودي افاجئهم
نهى هذا اختصاصها: يللا شوف انا بروح اقول للحريم ان فهد بيدخل واول مايتغطون بقولك
سلمان: للحين سوسه طيب
نسايم: بنات عندي لكم مفاجئه روحو عند الحريم
ناديه: لا ماابي طفش عندهم
نسايم: اللي يبي يجي بيفرح وجيبو معكم جلا لاتكم لانه احتمال فهد يدخل عشان المفاجئه.......
طبعا هي تقصد بنات خوالها اللي مايكونون محارم لسلمان
راحووصفو هم والحريم وقعدو :
نهى: سكوووووووووت عشان تكمل الطبخه
ام عبد الرحمن الجده: وش تبين يالخبله نسايم عسى ماخربتي مثل اختك
نهى : اقول بلا صجه الله يفشلكم ماعمركم شفتو حب وشذا بزران
كانت الصاله مليانه قشر الحب طبعا مايحلى سواليف الابه
نسايم: كل وحده تقد بمكانها وتتغطى زين بنفتح البباب
ونهى: فتحت الباب
ودخل سلمان ام عبد الرحمن مشت وبعيونها لهفه وحرمان هذا ولدها ياناس وراح لها حظنته
وقعدت تبكي فراق ابنها الغالي المو قف مؤثر
ومشاعل بكت تذكرت فراق اشخاص عزيزين عليها بمراحل حياتها....
سلمان: يمه ليش ترى بصيح كلش وليه دموعك الحين مفروض تفرحين مو تزعلين
الجده: ياوليدي من شوقي لك
فهده: اخص امي ساره لاتخربين الولد
الجده: انتي روحي عن الحكي الماصخ
سلمان : يلااه انا رايح وسلم على اللي يفتشون له
وراح عند الرجال
كانو قاعدين سواليف مب دارين بشي دخل بنص بيت الشعر وقال: سلللللاااااااااااام
اول شي بلمو مو مستوعبين:
بعدين راح له نواف هلاااااااااا سلوم وحضنه وقامو يسلمون عليه واحد واحد هو ماهمه هذول اهم شي شخص كان يدور بينهم في النهايه لقاه قاعد بمكانه
سلمان بلهفه:يبه
الجد: وقف ونزلت دموعه هذا ولده وصارله ثلاث سنوات ماشافهه
وبعدين راح له سلمان وحضنه : الله يعلم يابيه قد ايش مشتاق لكم
الجد: حمد الله على سلامتك ياولدي سامحني مو مصدق
وبتسم له سلمان وحبه على راسه
ــــــــــــــــــ

في اليل والطفش وصل حده عند البنات
فهده: الا مشاعل ا يش فكرتك اللي تقولي
ناديه: ايه صح <<< ناديه تحس نفسها كبيره وتقعد معهم وخصوصا وهي قريبه من نهى وفهده...
مشاعل : ايه صح قربو واجتمعوا
نهى : وش رايكم نطفي اللمبات
كلهم الا مشاعل:هههههههه
نهى: يلللاقولي امزح عن حركات البزران
مشاعل: شوفو ابوي عنده ددسن سياره(ونيت) للمزرعه من عند الباب اللي ورىناخذه ونطلع وندور فيه ونفحط ونستانس
رهف: يله خلونا فري
طبعا عارضو بعض بس روح المغامره شجعتهم
ناديه: الحين من بيسوق
مشاعل: من غيره وائل
ناديه لوتبوزها
(ملاحظه وائل يموت عاتراب اللي تمشي عليه ناديه بس هي ماتحب حركاته قال للكل العالم انه يحبها
ويسوي زحمه اذا شافها)
مشاعل : انا بتصل عليه
ترن تررن
وائل: نعم خير
مشاعل: مالت هذا رد ترد به على اختك الكبيره
وائل : اخلصي وش تبين
مشاعل: اقول اخوي وحبيبي وائل ممكن طلب
وائل: اخوي وحبيبي سلامات وش عندك
مشاعل بصوت ترجي: والله حنا طفشانين ويمكن ننفجر نبيك تمشيناوتفحط بنا انت وبددسن ابو ي تكفى الله يعافيك
وائل: قضبي الباب ناقصني
مشاعل : بنات نداء الاستعطاف
كلهم: تكفـــــــــــــــــــــــى
وناديه ساكته: قالت مشاعل: ياعمري ناديه مسكينه فيها صيحه بتبكي
من طفش:::
هو سمعولاماسمع
وائل: اطلعو عند الباب الوراني يللله
مشاعل: ايه توك تعرف وتو ماملوعينك هذا القبيله اللي تترجاك
وائل: بتطلعون ولا اهون
مشاعل: لالالاخلاص
وقفلت منه وراحو يجيبون معهم الطرح مشاعل تقول: اخوي مب لازم اخذ شي وجويركبون ددسن
ابتسم وائل بخبث: اقول ترى منيب مطلعكم الابشرط
بصوت واحد: وشو
وائل بخبث: ابي ناديه تركب قدام
ناديه: لاوالله احلف منييب
وكلهم ترجونها
ندى: ندو حبيبتي يالله الله يعافيك توقف على يدك سعاده 10 بنات مساكين
ــــــــــــــــــــــــ
عند الرجال نواف ماسكها طنايزكل عاده
نواف: نايف قم ارقص
نايف: نعم ليه انشالله
نواف: ابدا اقول يعني تتعود
نايف: اقول كل تبن ماتنعطى وجهه
سلمان: يتعود على ايش
نواف: على لعرس
سلمان: عرس مين
نواف:من غيره سبع البرنايف
سلمان.:احللللللللللللللللللف ليش ماعلمنتوني هذا اخرت اللي عنده عيال خوات اكبر منه
نايف: توني من اسبوع خاطب ممداني
سلمان: يلله المره الجايه وكانت على وجهه علامات الاستغراب واضحه
لانه يعرف عقده نايف من زواج ويعرف سرها
وبعد وقت الفضول بيذبح سلمان
سلمان: نايف تعال
رامي: احلف بس انتو ليش احنا عائله صريحه
مشعل: أي والله مب علينا
سلمان: اقول الطعشات مايتكلمون يقصدون اللي مابعد دخلو العشرين
وطلع نايف وهو يضحك علىفشيلتهم
وجلس هو وياه يسولفون
بعدين قال نايف انت شلون بتتزوج
نايف يستغبي: زي كل الخلق
: سلمان: عن الهبال يعني كيف نسيت ا.....
قاطعه نايف: انا اشلون انسى مانسيت بس هذي الوالده الله يهديها غصبتني ولا انا مالي في الزواج وانت تعرف اختك عندها سكر لو ارفض دخلت في غيبوبه انت تعرفها حساسه
سلمان اقتنع شوي: طيب من بتاخذ
نايف بتردد ملحوظ: نسايم
سلمان: وشششوووووووو
ــــــــــــ
نهايه الجزء تتوقعون ايش ردت فعل سلمان بعد الخبر السعيد؟
وش بيصير على اللي بددسن؟
وش اخرقرارات الحريم؟

سلمان: طيب من بتاخذ ؟؟؟؟


نايف بتردد ملحوظ : نسايم بنت خالي

سلمان : وششششششششششو خير لا يا شاطر انا صراحه مااامن بنت اخوي
معك وقف وهو يتكلم لاهين دور لك صرفه

انت عارف غلاتها عندي والله اذا جاها شي بسببك لاتلوم
الا نفسك و
و سمع صوت نايف ..........
نايف وهو يتنهد: بس خلاص حرام عليكم ماتقدرون احساسي انتم
محد اهتم بشعوري همكم هي وبس انا تعبان ومتعب روووحي عشان تستانسوون والله هذا مايصير
سلماااااااااااااان انت ماتفهم وشلون يعني اذا تزوجت نسايم ايش بيصير لي بس كل هذا عشانكم والله عشانكم
وصوته بدى يررروح
نزل راسه ودمعه شرحت كلامه الباقي
سلمان كان احد كاب عليه مويه بارده : معقوله كل هذا عذاب ياولد اختي واانا مارحمتك خلاص يانايف اللي كاتبه ربي بيصير قوم غسل وجهك
مشىنايف ماعبره بنظره كان مكسور وجرحه عميق مايقدر ينساه ولايقدر يتعدى اللي كان بسهوله
سلمان كان ضايق صدره بقوه منظر نايف وهو يبكي يهز وخصوصا شاب بها العمر وراح ودخل عند الرجال وكااان ضايق خلقه بقوه واول مادخل
مروان: هاه عمي مامداك تشتاق
سلمان: اشتاق للايش؟؟؟؟؟؟
رامي بيكمل اللعبه: هاه عليييييييينا
سلمان سفههم ولف لجهه التلفزيون
مشعل حس بثقاله دمهم : بعد عمري عمي ماعليك منهم
سلمان كانه تذكر شي وابتسم: بعد عمري ولد اخوي مشعل
مو شله ابو شكيب اللي هنا
رامي: نعم من ابو شكيب انا ولا انت شف عيونك هالشهب
مروان: ييييييييييييبه الله يهديك ليش سميتني كذا حتى اقرب الناس لي يتطنز وصار يسوي نفسه يبكي
ابو فهد: مروان اعقل وخلك رجال ترى والله لااروح
وغير اسمك وخليه عوض زيين
مروان: لااااااااا خلنا ابو شكيب ارحم
رامي: مروان تدري للحين يعني اعرف سبب تسميتنا
كذا انت ماتدري
مروان: والله ماخذها الا مشيعل نفذ بجلده
ااااهيالقهر
مشعل: ههههههه سر المهنه
نواف دخل: الحين سلمان ممكن سوال شمقعدك مع هالببيسي
(لفظ يقصد به المراهقين الطائشين)
ووطى صوته وقال الشياب ابوعبد العزيز: وش تقول نوويف تعال
نواف:ابد سلامتك اقول لسلمان تعال
ابو عبد العزيز اشوى الا وين عبد العزيز وحمد
نواف الله الوهقه: يتمشون
واشر لسلمان عشان يطلع
ــــــــــــــــــــــــــــــــــــــــــــــــــ ـ
عند البنات بعد اقناع دام عشرون دقيقه رضت ناديه
وركبت قدام
وائل: تو مانورت السياره ولو انها ددسن
ناديه:......... كانت متضايقه مره وساكته
البنات ورا بالصندوق الهبال قايمووازعااااااااااج
العنود: وائل
وائل:..........
العنود: وائل وصمخ عطنا وجه
وائل : خير
العنود: وش هالرد ولا عشان عندك الزين تكبرت
التفتت ناديه وودها تذبحها
العنود تكمل: يلللله نبي اكشن عاد سو حركات فلله
وائل زين ابشري ويصك الفتحه اللي كانت بينهم
وبدى التفحيط والبنات شاللو الدنيا مصارخ
ــــــــــــــــــــــــــــــــــــــــــــــــ
عند نواف و سلمان
نواف: وش فيييك وش صاير
سلمان ابتسم بمراراه: ابد تهاوشت انا ونايف
نواف: احسب عندك سالفه
سلمان في نفسه بلاك ماتدري
نواف: امش خلنا نتمشى الجو ولااروع
سلمان كان فعلن محتاج يتمشى : طيب يله
نواف: وش رايك ناخذ جمس عمي ترى احلى
سلمان: لاكبير ماله داعي
نواف: اقول امش منب فاضي عشان اوصخ سيارتي
وراحو وخذوه وطلعو
نواف: الا ماقلت لي كم باقيلك وتخلص دراسه
سلمان: بقي اخر سميستر وافتك وارجع
نواف: حركات محد قدك ياسرع الدنيا
سلمان ابتسم :....
نواف: شف وش هاددسن مليااان بنات
اكيد اللي تسوق بهم بنت
سلمان: أي واالله للحين ذا البنات مايتوبون
نواف: والله لخليهم يتوبون اصبر وشف
ـــــــــــــــــــــــــــــــــــــــــــــــــ
عند البنات
رهف: يممممممه شوفو هالسياره تلاحقنا
مشاعل: عن الخووووووف بلا بزاره
فهده: ياملحنا مامعنا عبايات وجاين بطرحنا
نهى: واذا صار بكييفه <<< البنت بايعتها
العنوود: والله لوريه شغله خله يقرب وييشوف <<<طالعه على اخوها
رهف: قولو لابو الشباب نايم في العسل
وتفتح الشباك: هيييييييه وايييل<<< هذا اسم التعصيب)
ترى فيه سياره تلاحقنا
ناديه: لاااااااااا تقولين يمه حنا في مقطعه (كانت من جد خايفه)
وائل يوم شافها كذا ودق الصدر مسوي شجاع
وائل: طيب رهف ارجعي مكانك
ومسك الدركسون وناديه كااانت خايفه وتصيح
قام مسك يدها<<< الله يهديه متاثر بالافلام )
وهو مسكها ولا مامسكها صرخت ناديه صرخه ولا اراديا هو لف الدركسون ومال الددسن على جنب وكل البنات طاحو اللي
على الارض واللي جوا بس على خفيف
يعني ماكانت الصدمه قويه
ــــــــــــــــــــــــــــــــــــــــــــــــــ ـ
عند نواف و سلمان
سلمان: شكل اللي تسوق بهم متخلفه شف شلون طاحو
نواف: مساكين يمكن خافت ولاعاد عرفت تتحرك ترى تصير باحسن العائلات
سلمان: يوووووه شف اشكالهم تنكت وهم يركبون
نواف: أي والله مدري ليش ذكرت عباره اعاده تعبئه
سلمان:هههههههههههاي الله يقطع بليسك
نواف: امش نقرب والله لخليهم يحرمون يطلعون بها الليول بلحالهم ولا مامعهم رجال
وقررررررربووكاااااااااااااااااااااااااانت الصدمه
سلمان: شف شف بناتنا
نواف: وششششولحظه أي والله هذي كشة العنود والله لوريهم نزل وهو معصب ونزل سلمان وراه
نواف: عنييييييييد عنود
العنود: خير اف وش جابك
نواف: اقول ردي علي زي الناس وش مطلعكم الظاهر ودكم
بلي يقول للعمي عبد الرحمن
سلمان: وجع ولا معكم عبايات والله هاليله مب ماره على خير
وكانووووو معصبين مررررررررره
ومن بين مجادلاتهم
رهف: مشااااااعل سم الله عليك وش فيك مشاعل
فهده: وش فيها
رهف : تصيييييييييييييييييييييييييييييييييييييح بتنهبل
ــــــــــــــــــــــــــــــــ
اما عبد العزيز وحمد كانو رايحين لمخيم واحد يعرفونه قريب من عندهم وهو عازمهم
وكان شي يعني شبابي كان فيييه كل الات الموسيقيه والفن وهبال وكل الشباب اللي هناك كووول
عبد العزيز: اقول ورما نرجع لو يدري واحد من عماني
ولا يفتن نواف نررررررروح شوربه
حمد: اسكت والله اني على اعصابي
عبد العزيز وشوله نتعب انفسنا قم بس
وتوهم قايمين
فواز صديقهم: ويييييييييين تو الناس مامدانا نشبع منكم
وانت عبد العزيز ماطربتنا عبد العزيز كان يدق عود وصووته جنان بس موهبته مدفونه لان لو ابوه درى انه يدق عود كان كسره فوق راسه
حمد: لا العذر والسموحه يالله بنطلع
وطلعو ورجعو المزرعه كانت شبهه فاضيه
الشياب والحريم نامو
والشباب متوزعين مابقي الا الطعشات
مروان ورامي ومشعل
مروان: الا وين ذلف ولد خالك
راامي: مدري اغلب الضن قاعد يدور طريقه يلفت انتباه بعض الناس
مشعل: لاااااا دامه تاخر اكيد ضبطت معه هالمره
رامي: والله اني راحمها ربي بلاها بهالوائل عله
ياأما تحبه ياأما تستخف من حركاته
مروان : حرررررام خلوه يضحي من اجل الحب
ودخلو حمد وعبد العزيز
: هاااااااااااااااااي
مشعل: انتم وييييينكم
مروان: يمكن يضحون عشان الحب
رامي: كم ضحيتو هالسنه
عبد العزيز: تستخفون دمكم وجع قومو اذلفو نومو
حمد: يلللللللا ورونا عرض كتافكم
......... الا وين العاشق الولهان <<< يقصد وائل
الشباب وهم طالعين: عند المعشوقه المسكينه
ورااااااااااااااااااااحالكل يناااااااااام
ـــــــــــــــــــــــــــــــــــــــــــــــ
نهايه الجزء
تتوقعون مشاعل ايش فيها؟؟؟
ناديهبتاخذ موقف من بعد اللي صار او ايش تسوي؟
نساييييييييم هل من جديد؟؟
نايف ايش اخر اخباره وش بيصير عليه؟؟
انتظروني في الجزء القادم

الجزء السادس

رهف: مشااااااااعل وشفيك قومي وكانت تصيييح

ناديه نزلت من قدام وهي تصييح وشافت مشاعل فجعها المنظر وكملت صياحها دبل
نهى انسانه قويه بطبعها ماياثر فيها شي
او تحاول انه ماياثر تدخلت وراحت عند مشاعل اللي كانت ماترد عليهم رفعت راسها وانصدمت كان فيه جرح في جبهتها وتنزف هنا نهى صنمت ماتحركت ماتعرف وش تسوي
وائل يوم شافها ارتاع وخصوصااللوم بيجي عليه هو وشوي وبينجن اخته تنزف
سلمان مايدري وش القصه ولا وش سالفه ويكلمهم وكل وحده تصيح ولافهم وقال مافيها رح بنفسك وش وهو على باله وحده من بنات اخوانه وهاله المنظر الدم اللي مغطي وجهها غزير جدا انهبل
سلمان: وائل ركب اختك جوى الددسن وانت يانواف خذ البنات للمزرعه ولا تقولون لاحد
نواف: امشوقدامي والله ماخليكم الا بعد ماوريكم شغل الله قدامي يلله وركبو البنات والعنود راكبه قدام وباقي البنات راكبين ورى
وهم في الطريق نواف بس يهاوش ويسب وندى طفشت وهالبنت ماعندها امي رحميني خلاص طفشانه لاحد يكلمها الاخلاق خربانه
ندى بكل جراءه اقرب للوقاحه: انت ورى ماتسكت تراك ازعجتني
نواف من صدمه لف يبي يذبحها غلطانه وتفلسف والتفت وجته ضحكه بين عصبيته لان البنات مامعهم الا طرحتين وحده مع عنود قدام والباقين مسوين بطرحه زي الستاره
نواف: وجعع شين وقوايه عين ورى ماتسكتين وتتأدبين
ندى: تلتفت وويقول وجع بعد كلامه بعد له عين ورجعت تلتفت عليه انت مصدق عمرك طايح تهزيء اسكت واللي يسلم عمرك
نواف اللي انهبل:خيييير انت على مااظن غلطانه ليش ماتعترفين
ندى: من الغلطانه انا
مسكين انا مااشوف اني سويت شي غلط
نواف: هذا موب غلط وش الغلط عندك ياعمتي
ندى: اوووووص اوووص اووووص
نواف: وتسكتين !!صدق اللين قالو ناقصات عقل ودين
ندى : لحمد الله اذاانا ناقصه عقل ودين انت ماعندك عقل خير شر
وصلو للمزرعه والازعاج من نواف وندى مابعد خلص
نزلو كلهم ويوم جت ندى تنزل وقفت على طرف الباب ونقزت نقزه خفيفه نواف ابتسم ابتسامه سخريه وقال: وين العقل اذا للحين تطامرين
ندى عصبت من قلب وراحت باندفاع وقالت: انت تسكت فاهم
وعقلك مانبيه والله لووو...
قاطعهم صوت رهف الليتصيح
رهف/بـــــــــــس
حرام عليكم البنت بين الحياة والموت وانتم تتهاوشون انتم الاثنين بزران
البنات انصدمو ولا وحده تتجراتسوي اللي تسويه رهف لان ندى اذا عصبت مايردها شي ولا احد يقواها
ونواف اللي يعرفونه انه زي باقي اخوانهم يعني عصبي
ندى استحت على وجهها ودخلت وهي متندمه وتركت اللي طاقته ام الحسايف نواف
ودخلو البنات وكل وحده ضايق صدرهاعلى شي:
نسايم: زعلانه على مشاعل وهم العرس اللي مقطعها تقطيع
رهف: كانت خايفه على مشاعل لانها تعرف ابو مشاعل كيف شديد وانها بالمستشفى مامعها احد غير وائل المراهق
رهف من النوع يفكر بالمواضيع من ثلاثه ابعاد
ندى ضايق خلقها من مطاقهامع نواف وكيف كان يرد عليها وهم مشاعل
فهده: كانت تقريبا اهدى وحده فيهم وكانت خايفه على مشاعل ودعت لها
نهى: كانت حالتها عصيبه ثلاث مصايب اليوم
اكتشافها ان حمد يكلم بنت
ومطاقه ندى ماراقت لها
وخوفها على مشاعل
ناديه حالتها صعبه وفيها النوم ولا قادره شعورها بالذنب وخوفها من اللي ممكن يصير مخليهاقلقانه
ـــــــــــــــــ
في المستشفى في وحده من ممرات المستشفى
كان سلمان قاعد مع وائل
وائل كان قلقان مرررررررررره والشعور بالذنب يكتسيه
سلمان: هد بالك يا وائل ان شالله ماعليها الاالخير
وائل: والله اني مدري وش اسوي واذا درى ابوي وهناوقف تذكر ابوه وقام يحوس بالممر
ياويلي من ابوي لو درى يويولي من ابوي بيذبحني يووووه
سلمان: لايارجال ماتوصل واختك مافيها شي
وائل: انا السبب
سلمان: انت كنت بتوسع صدرهم وبتمشيهم
وائل:لا من قالك بس كذا
سلمان: اجل وشو
وائل: انا ماجبت خبرهم كلهم ولا هموني حاطهم على الهامش كل هذا عشان غناه روحي ناديه الله يوم ركبت قدام معي تمنيت اني معرس وهي عروستي
سلمان استغرب من الجراءه منه بس مشاها

سلمان: لهدرجه تحبها
وائل بحماس: من قالك احبها انا اعشق الثرى اللي تمشي عليه بس هي تحس ولا تعبرني
سلمان: خل البنت بحالها لاتثقل عليها واذاكبرت اخطبها
وائل: اخاف تروح مني
سلمان: قل لامك تحيرها لك
وائل: من قالك ماقلت وقالت امي رح دخل شيراز يكنس الحوش يعني انطم ..(شيراز السواق)
سلمان:هد بالك هذي مراهقه ماله داعي تصدق عمرك بقوه
ولاحظ سلمان انه بهذا الحوار خفف من توتروائل
جا الدكتور: انت ايش تقربلك مشاعل........
وائل بجديه: اختي
الدكتور: مافيها شي الحمد الله الجرح مو عميق بس اضطررننا نلف عليه عشان مايتلوث تقدرون تاخذون المريضه
:/ــــــــــــــــ/:
وائل: الحمد الله مافيها شي
سلمان: الحمد الله
وائل: ممكن اشوفها
الدكتور :تفضل من هنا
ودلهم على الغرفه
دخل وائل بسرعه: مشاعل الحمد الله على سلامتك يالغاليه انشالله مايوجعك شي
مشاعل: لاالحمد الله الله يسلمك
سلمان: كان واقف عندالباب طبعا ذبحه الفضول يبي يشوف صاحبه الصيت العالي
والتفت وتنح وقف فتره طويله على هل حال
وائل: كان معطيه ظهره مايشوفه ومشاعل ماشافته
وائل: مشاعل لاتقولين لابوي تكفين
مشاعل: لاتوصي حريص ترى اللي بيجيك يجيني
الا ماقلت لي وشاخبار ناديه
وائل سكت وبعدين قال: والله انها متعبتني وتنهد تنهيده طويله
مشاعل ضحكت بصوت عالي على حركات المراهقة
مشاعل: طيب يافالح طلعني ابرجع المزرعه ورانا هبال وسهر
سلمان: حس على دمه وهو يقول بخاطره مايتوبون هالبنات
انت وش قاعد تقول خلهم يستانسون حرام عليك وانت ماتستحي تناظر بنات الناس
ولوها اختك ولو وحده من شوفاتك وش بتسوي لو شفت احد يناظرها يوووه انااطلع برى احسن
وطلع وبعد دقايق جا وائل وقال بنطلعها
سلمان: اقعد مع اختك شفها يمكن تحتاج شي وانا بروح اكمل الاوراق
وائل: الله يعافيك
وراح وكمل الاوراق ورجع ولمى رجع طق الباب ولاحد رد طق مره ثانيه فتح الباب بهدؤ ولا مشاعل طالعه من الحمام وبيدها منشفه التفتت تحسبه وائل وهنا كانت الطامه الكبرى البنت تنحت رجليها ماشالتها والمنشفه طاحت من يدها
وهو مستانس ومتفشل
وبخاطر سلمان: والله انها مزيونه هالبنت من قريب احلى بواجد وكانه تذكر شي وطلع وخلها وهي تقول هذا اللي ناقصني الحين بيقول وش بيقول كشه ومجروحه جبهتي وحالتي حاله أكيدارتاع<<<مسيكينه ماتدري ان الزين زين
ـــــــــــــــ

في المزرعه
كانت جالسه على البلكونه وتفكر تفكير عميق هذا حالها من ساعتين وهي دايم اذا تعرضت للمشكله ما تنام الااذا لقت حل
عرفتوها هذي نهى الحين هي فاضيه لنفسها وتفكر انا ليش حبيت حمداو انوهمت لا انا توهمت ليش احبه وش هاالذكاء هو ساعدني عشاني بنت عمه بس لااكثر انالازم انساه انا احبه واحسبه على كيفي الظاهر اني فاهمه السالفه غلط خلاص اللي راح راح وكملي حياتك طبيعي وهو مادامه واطي لاتوطين نفسك عشانه انسيه هو مجرد ولد عم لااكثر وقامت تنوم وهي تقريبا اتخذت القرار
سلمان بسيب المستشفى وائل توه جاي
سلمان: وين كنت
وائل: ابد رحت لدوره المياه وانت بكرامه
سلمان: زين ترى خلصت الاوراق ناد اختك خلها تطلع
وائل:طيب
ودخل وائل وشوي وطلع مهيب طالعه
سلمان( بخاطره اكيد مفتشله من موقف قبل شوي): ليش
وائل: مامعهاعبايه
سلمان:ايش
وائل: لما كنا بددسن ماتوقعناشي مثل هذا يصير وانا اخوهايعني ماكان لها داعي
سلمان منقهر: طيب الحين لها داعي
وائل حس بالاستهزاء: خلاص انا بروح اجيب لها عبايه واجي وراح وماخلى للحكي مجال
سلمان حز بخاطره بس هذي حركه ميب تكانه
وبعد نص ساعه جا وائل ومعه العبايه وطلعو مشاعل كانت تعبانه والدم اللي راح منها كثير وكان وائل ماسكها0. سلمان رحمها ويوم ركبت
سلمان: الحمد الله على السلامه
مشاعل بتعب: لله يسلمك
وسكوووووووووووووت رهيييييييييييييييييب
حتى وصلو بالمزرعه
وقبل ماتنزل مشاعل قالت: الله يعافيك
سلمان حس انه حركه !!ابتسم ذيك الابتسامه : الله يعافيك ركن السياره ونزل وهو يفكر وهوداخل الجناح دعم بنواف
نواف: اعمى ماتشوف
سلمان عرف السالفه فيها شي: لا اشوف بس الدنيا ظلام الا انت ليش مانمت
نواف كان مستني احد يساله: بنت اخوك هذي يبيلها تكسير راس ماتحشم لا كبير ولا صغير
سلمان يحسبها العنود: طوول بالك بنات مهبل اذا عصبو يقطون خيط وخيط
نواف: اجل تقولي انت ماعندك عقل ابد
ويقاطعه صوت الجوال
سلمان: هلا والله بالغلا كيفك
لا انا الحمدالله
ندى: عمي انا ضايق خلقي مرررررره
سلمان: افا ليش
ندى ماتدري وشتقول
بس في النهايه ماعندها فحد: من مهاوش اليوم
سلمان: حتى انتي عندنا الاخولولا ستر الله كان ذبحني
ندى باستغراب: من؟؟
سلمان: من غيره نواف
نواف يطق سلمان ويسوي حركه يعني وش تقول
ندى: وانت وش مقعدك معه
سلمان: حظي الاقشرخلاني اقعد معه
نواف عصب زياده: مالت عليك قول سعاده حظك اللي خلتك تقعدمعي
سلمان: اقول ندى وش اخبار بنت خالك
ندى باستغراب: الحمدالله وش الطاري
سلمان: ابد يوم جت تركب السياره كانت يالله تمشي
وهو يتكلم يسمع صوت يغني
ندى:تضحك هذي هي تردح
سلمان: ماشاء لله امداها الله لايضرها
من جهه ثانيه نواف اللي كان يسمع بكل حواسه ويقول هين ان ماوريتك ماكون نواف
_____________________________
نهااااااااااايه الجزء توقعاتكم
نواف وندى وش بيصير بينهم؟؟
ناااااااااااايف وش بيصير فيه؟؟
ومشاعل والبقيه هل هناك من جديد ترقبوووالجزء القادم من حب في الجمس

الجزء السابع
في الصبح في المزرعه قامت ناديه وراحت عند الحريم لان البنات كلهم نايمين..
ناديه : صباح الخير
ام فهد: هلا والله صباح النور
ام ناديه: غريبه وش مصحيك
ناديه في خاطرها انا نمت: شبعت نوم
ام ناديه: زين… تعالي ساعدينا بنصلح الفطور
وراحت ناديه معهم ويوم جو يفطرون دق سلمان على ام فهد
سلمان: السلام عليكم
ام فهد : وعليكم السلام
سلمان: امي عندك
ام فهد: اييه هذي هي
ومدت لها الجوال
الجده ساره ماسكه الجوال بالمقلوب وتكلم ساره: مافيه ااحد
ناديه: ههههه امي ساره انتي قالبته
الجده: اوص كاني اسمع صوووت
ام فهد: هههههههه وخذت السماعه وعدلتها
الجده: اي كذا
سلمان: يمه وينك سنه تردين ولا تتغلين علينا
الجده: اسكت عن الخرابيط وش عندك بذا الصباح داق
سلمان: افا هذا وانا ولدك وتوني جاي امداك تملين
الجده: امل من الدنيا كلها الا انت
سلمان: ايه خلك كذا زين يمه ابي افطر معك من زمان مافطرت معك
الجده بعد تنهيده عجايزيه: اي والله تعال عندي هنا ما فيه احد غير حريم اخوانك
سلمان والله البلشه: لا اجل مع السلامه
الجده استخدمت السلاح السري: حلف حرج انك تجي ولا منيب فاطره
سلمان :الله يهديها ماتركت حركاتها: طيب
وسكر وطلع من الباب الخلفي مايبي يتواجه مع نايف بيخلي كلامهم على رواق وتفاهم
سلمان: ياااااااااااااوللللد
ام عبد العزيز: تفضل ماعندك احد
سلمان وهو يدخل كل هذا ولا فيه احد: السلام عليكم
الحريم: وعليكم السلام
سلمان: شخباركم
الحريم: بخير
وقعدو يفطرون انتبه للبنت اللي قاعده معهم وشكلها صغيره قال هذي اكيد حبيبه وائل
ام حمد: ناديه بعد عمري جيبي جوالي خليني ادق على البنات يقومون قامت ناديه وجابته
ام حمد وهي تدق
ام حمد: الو
فهده: هاه
ام حمد: قومي قامت عصبك كل هذا نوم
فهده:وشو << البنت مضيعه
ام حمد : قومو يلا
فهده: طيب وصكتها وكملت النومه
ام حمد: فهيده اعرفها ميب قيامه لو بزلازل
ام حمد : الو
مشاعل: هلا
ام حمد: هذي البنت الصح قايمه يلله قومي هل الشعب وانزلو افطرو
مشاعل: ان شاء لله
وبعد ربع ساعه من الانتظار نزلو البنات
مشاعل: صباح الخير
وراها رهف تتمغط: صباح النور
ام عبد العزيز" انتي متى بتوبين عن هالنوم
رهف: اذا حجت البقر على قرونها
جلسو يفطرون ومشاعل مرتاحه لان اللحين محد عرف غير البنات بالجرح وبقلبها تشكر سلمان اللي جا وتغطت بجلالها وارتاحت من المناحه اللي ممكن تصير
وسلمان ماسك كاس الشاي ويشرب ويناظر يمين ويسارويشوف بنات اخوانه قد ايش تغيرو
سلمان وهو قايم: اكرمكم الله مع السلامه وباس راس امه
وطلع في السيب اللي بين صاله الحريم وملحق الرجال سمع صوت الصيحات والادعيه وعرف انهم اكتشفو جرح مشاعل يقول مسيكينه الله يعينها
ام وائل: اسم الله عليك يابنيتي وليش ماقلتي لي
مشاعل: يمه جرح بسيط وخلاص لاتكبرينها
وبدى الصياح
نهى جالسه بجنب رهف وطايحه تطنزشف والله هالحريم هوالات
عند الشباب نواف معقد حواجبه وهذي يعني انه متضايق
وشياب سوالفهم هي هي تنعاد وتنزاد
مشعل: نواف ارحم حواجبك لاتطيح ترى والله معد تركب
مروان: اعوذ بالله توني انتبه شوي شوي ترىوجههك بيتبرى منك
نواف حاضن ترمس الشاي ويطالعهم
رامي: والله انا من شفتك ماسك هالترمس وانا اقول البلا جاي
نواف: اسكتووووو
نايف اللي كان هادىء وساكت
نايف: خير انتو وش تبون
مشعل: اخص اللي يدافع عن اخوه
نايف: انتم تطنزون على اخوي اجل كملوا
نواف: رمى عليه علبه الحليب بس الحمد الله كانت مسكره
نواف: هذا وانا شاد بك الظهر
نايف: لا لا تشد كلها كم شهر واعرس واخليك
مروان:تراك بتتزوج اختي لا تتكبر لا اخليها تكنسل السالفه هذي كلها
ابو عبد العزيز: ياشباب ماودكم نستاجر دبابات
رامي: يعيش عمي هذا الحكي ولا بلاش
وائل: انا بجيبها
انايف: خلاص خلوها على حسابي هالمره
مروان: يعيش النسيب
راحو الشباب يستاجرون
ــــــــــــــــــــــــــــــ
عند البنات
فهده: بنااااااااات فييييه خبر سعيد وبيفرح الأمه العربيه
رهف: خييييييييير وش السالفه
نسايم: اكيد ذابحه احد وإلا مغتاله واحد من البزران مروعته
فهده: انطمو يابنات عماني وخوالي العزيزات
احم احم يوم الاربعاء الجاي عيد ميلادي وعازمتكم عندنا في البيت
نسايم: وامي ساره
رهف: والاستراحه
نهى: والله ان يزعل علينا جدي لو مانروح
فهده:هههههههههه مساكين انا فهده مو حيالله
ندى اللي كانت زعلانه من امس وضايق خلقها جاها الفضول وقربت
ندى: وشلون؟؟؟؟؟؟؟
فهده: هذا ياطويلين العمر ابوي قال للحمد احجز لنا استراحه لان عقد الاستراحه خلص وانا عاد قعدت اتذلل لحمد يخليها خميس رفض وبعدين طلع الاربعاء اخر يوم للمستاجرين يعني محد رايح الا الخميس
نهى:ايا ياسوسه عرفت تدبرينها
فهده: شكرا مو شي جديد
ناديه وهي داخله: بنات تدرون ان نايف مستاجر دبابات للشباب
العنود: ووووششششششو خيييير وهي قايمه تدور: وييييين جوالي بسرعه لقته واتصلت على نايف
ومارد فاتصلت على نواف اللي كان يناظرهم مالعب
نواف: الو
العنود: صدق ولا اشاعه
نواف: لا فحوصات وش تبين؟؟
العنود: انتم جايبين دبابات وانا مساكين قاعدين بها العشه تقول صيصان
نواف: طيب وش تبيني اسوي
العنود خافت على اخوها مو هذا اسلوبه عاده لازم طقاق ومناقر الا مايجي احد يفكهم
العنود: وطت صوتها : نواف وش فيك
نواف:..........
العنود: نواف من صدقي اتكلم وش فيك
نواف: ولا شي
وسكرها
العنود هنا صخت نواف وش سالفته
دقت على سلمان
سلمان: الو
العنود: هلا سلمان
سلمان مستغرب هدؤها: هلا العنود
العنود: نواف ايش فيه
سلمان: تستهبلين مطاقه معه امس ومخليته يطلع صوته وتقولين وش فيه
العنود باندهاش: بس انا ماطقيت معه
سلمان: الا هو قالي بنت اخوك رفعت ظغطي لا تستهبلين العنود بعدين نواف ماعمره شال هم طقاقكم اكيد مو هاذي سالفه يله باي
وسكر والعنود تبي تتجمع بعد سكوت:\العنود: ندى
ندى: هلا
العنود: انتي مزعله نواف؟؟
ندى ثارت وعصبت من دون ولا كلمه طلعت وصكت الباب بقوه
العنود:هههههههههه ضحكت
البنات مستغربين وهي عيونها تدمع من كثر ما تضخك
العنود اولــ ــ مــ ــ ره نــ ـوافـ ــ يزعل عشان كذا
فهده: واالله هذي اللي بتذبحني كل هالسالفه عشان كذا الله يقطع وجهك اكيد ندى زعلت عاد الحين وش يراضيها هذيك
نهى مستغرررررررربه جدا:؟؟؟؟
نسايم: وش صار على دابابات
العنود: وانتي هذا اللي همك الدبابات ولا اللي جايب الدبابات؟؟؟؟؟
نسايم: سككتت ماعرفت ترد
(العنود تتصل بك)... كان هذا الا سم طالع على شاشه نايف
نايف: هلا
العنود: يجيلك قلب
نايف: ؟؟؟
العنود: يجيلك قلب تركب دباب وتستاجر للشله الانس وانا قاعدين
نايف:ههههههههههه لا مايجيني قلب
يلله تعالي
العنود: بس فيه وحده كلت قلبي تبي تشوف اللي مستاجره
نايف: ترى اللي جايبها هندي لاتعبين نفسك مهو زين
العنود: لا موهذا قصدي اا اقصد اللي محاسب
نايف:؟؟؟؟؟؟؟؟
العنود: باختصار كذا نسايم تبي تشوفك قالتها ولا عاد تدري الدنيا وش فيه من حال من المصارخ والازعاج وطق والعنودوضحك
نسانم: اوريك ياحماااره هين
العنود: يختي قلت شكلها مستحيه ماودي اثقل عليك قلت اختصرها
نسايم وهي ترمي المخده : والله لاوريك شغل الله زين
تتوقعون وش ايصير ؟؟

يلا أنا رايحه أنام و بكره إنشالله أكملكم الباقي

يسلمووو

ولاتطولين علينا